Aklarashon Fakelmentu en konekshon ku falta di entrega di stom dor di CRU.

Published on July 10, 2017

Refineria Isla ta partisipá na komunidat ku e último dianan por mira fakelmentu akompaña dor di huma pretu. Lamentablemente dor di e falta di stom Isla no por redusí e fakelmentu ni e huma pretu.

Esaki ta debí ku aktualmente CRU ta hasiendo reparashon na su planta , kual ta pone ku CRU no ta den e kapasidat pa entrega e kantidat di stom nesesario na Refineria Isla for di 7 yüli 2017. Te ainda e trabounan no a finalisá. Refineria Isla a tuma vários medidanan di seguridat i operashonal nesesario pa redusí e kantidat di gas ku nos ta fakel p’asina minimalisá kualkier molèster (manera zonido).

Konforme Refineria Isla Curaçao BV su pèrmit di molèster, for di siman pasá 7 di yüli, nos a informá Ministerio di Salubridat, Medio Ambiente i Naturalesa tokante esaki p’asina indiká ku e problema di CRU, ta  kousa di e fakelmentu.

Refineria Isla ta ofresé su diskulpa pa e inkonbeniensia ku esaki ta kousando  na nos komunidat.

Departamento di Relashon Públiko
Refineria Isla Curaçao B.V.
10 yüli 2017

< Back