Minister Glenbert Croes di Asuntunan Sosial di Aruba a bishitá Skol Vokashonal di Refineria Isla

Published on May 18, 2018

Willemstad – Djarason 17 di mei Minister Croes durante di su bishita na Kòrsou huntu ku su kolega sr. Hensley Koeiman, Minister di SOAW, a bishitá e Skol Vokashonal (Bedrijfsschool) di Refineria Isla.

E bishita tabata pa wak e modelo ku Refineria Isla ta usa pa ku hóbennan ku ta na riesgo òf ta un dròpout. E modelo aki ta ofres’é hoben un di dos chèns pa siña un fishi pa e por drenta den e proseso di trabou sea direktamente na Refineria Isla òf serka e kontratistanan ku ta laborá riba e tereno di Isla.

Ya kaba Refineria Isla a drei un programa asin’aki ku 52 hóben i esaki a resultá hopi eksitoso. Aktualmente e grupo ta konsistí di 14 studiante. Minister Croes a bin Refineria Isla pa haña informashon pa wak kon esaki ta keda hasí, pa por repliká e modelo aki na Aruba pa por atendé ku hóbennan ku ta na riesgo.

Riba e pòtrèt: Minister Croes, Minister Koeiman, Direktora Vanessa Flores i Gerente di Rekurso Humano Lucas Beaujon

Minister Croes saludando un di e studiantenan

Departamentu di Relashon Públiko
Refineria Isla Curaçao B.V.
17 di mei 2018

< Back