“Start-up” di Cat Cracker i plantanan asosiá kuné

Published on June 30, 2017

Refineria Isla ta partisipá na komunidat ku nos ta den proseso di “start up” nos planta di Cat Cracker ku a keda saká for di operashon despues di e kandela na CD-3.

Pa medio di e komunikado aki, Refineria Isla ta partisipá na komunidat ku den transkurso di wikènt binidero di 1 ku 2 di yüli 2017, Isla tin plania pa “start-up” e planta di Cat Cracker. Seguidamente ta kontinuá ku startmentu di e otro plantanan asosiá ku Cat Cracker.

Durante e proseso di “start-up”, Refineria Isla lo tuma e medidanan di seguridat i operashonal nesesario pa garantisá un “start-up” efisiente pa asina minimalisá kualkier molèster ku e aktividat aki eventualmente por kousa. Ta premirá ku lo tuma mas o ménos tres pa kuater dia promé ku tur e plantanan envolví ta operá na un manera stabil.

Refineria Isla ta ofresé su diskulpa pa kualkier inkonbeniensia ku esaki por kousa na nos komunidat durante e dianan benidero.

Departamentu di Relashon Públiko
Refineria Isla Curaçao B.V.
30 di yüni 2017

 

< Back