“START-UP” di planta Crude Distiller 3 (CD-3) i plantanan asosiá kuné.

Published on September 27, 2017

Refineria Isla ta partisipá na komunidat ku despues di e kandela na CD-3 den luna di mei último, e planta di CD-3 a keda pará pa rekonstrukshon. Entretantu e trabounan aki a terminá i nos ta den e fase pa start bèk nos planta di CD-3 i plantanan asosiá kuné.

Pa medio di e komunikado aki, Refineria Isla ta partisipá na komunidat ku Isla tin plania pa kuminsa start CD-3 den transkurso awe djamars 26 di sèptèmber. E sobra plantanan inkluyendo e planta di Cat Cracker lowòrdu di start den un sekuensia programá. Ta premirá ku lo tuma por lo ménos dos siman promé ku tur e plantanan envolví ta operá na un manera stabil.

Durante e proseso di “start-up”, Refineria Isla lo tuma e medidanan di seguridat i operashonal nesesario pa garantisá un “start-up” efisiente p’asina minimalisá kualkier molèster ku e aktividat aki eventualmente por kousa.

Refineria Isla ta ofresé su diskulpa pa kualkier inkonbeniensia ku esaki por kousa na nos komunidat durante e dianan benidero.

Departamentu di Relashon Públiko
Refineria Isla Curaçao B.V.
26 di sèptèmber 2017

< Back